txiza egiten digute eta prentsak euria dariola dio

Eusko Jaurlaritzaren babesa daukan “Irakurri kanpaina”ren baitan beste bi ekintza ere antolatu dituzte liburutegiko zerbitzuak herritarrengana hurbiltzeko helburuarekin.

Alde batetik, “Familiak ere kontatzen du: etxean irakurtzeko gogoa pizteko 12 urrats” gidaren bidez 3-6 urte bitarteko haurrengan irakurzaletasuna piztu nahi dute. Gidak liburutegian bertan jaso daitezke, euskaraz zein gaztelaniaz.

Bestetik, “Liburua ageri duen erretratua” deituriko argazki digitalen lehiaketa ere antolatu dute, 12-16 urte bitarteko DBHko ikasleentzat. Partehartzaileek sormen lan original bat aurkeztu beharko dute, irakurtzen ari den edota liburu batekin ageri den pertsona bat iradokiz. Lanak azaroaren lehen hamabostaldian aurkeztu behar dira liburutegian bertan eta azaroaren 30ean jakinaraziko dira eskuko ordenagailu, ipod, kamera digital etab.ak irabazi dituztenen izenak.