txiza egiten digute eta prentsak euria dariola dio

Udazkenetan Jazz eta Blues doinuen melodiarekin erortzen dira zuhaitzetako hostoak elorrion. 18 urte dira soinu hauek Arriola Antzokian entzuten; ateneoan dantzatzen eta azkenaldian herriko pare bat tabernetan gozatzen ditugula. Edizioz edizio jaialdiak hobera egin du, kalitatea nagusi da eta gero eta jende gehiago hurbiltzen da kezko pentagrama eroetan mozkortzera.

Aurtengoan, musikari estatalak zein nazioartekoak pasa dira eszenatokietatik eta gainera, blues estiloko gitarra ikastaro bat ere antolatu da Arriola Aretoaren eskutik . Zazpi talde izan dira elorrion, 4 blues banda eta 3 jazz talde. Mamba Beat, People are Machines, Eugene Hideaway Bridges, The Reverendos, Belbeceblues, Javier Colina, Mariano Diaz eta Guillermo Mcgillen hirukotea eta Memo González and The Bluescarters musikariak igaro dira ateneoko eta Parra zein Portalekua tabernetako taula gainetik.